THOMAS Stapletonus

THOMAS Stapletonus

Anglus, e provinc. Sussexia, oppid. Henfield, genere nobili, Theologiam Duaci et Lovanii docuit. Obiit A. C. 1598. Scripsit Antidota in 4. Euangelia: Item in Acta ad Rom. in utramque ad Corinthios, de tribus Thomis, Promptuarium Catholicum Contionum, de proncipiis Fidei, Manuale peccatorum, et varia adversus Guil. Witakerum, etc. Eius opera prodierunt 4. tomis in fol. Parisiis et alibi. De illo Aub. Miraeus in Elog. illustr. Theol. Paucos aetas nostra Theologos tulit, in linguarum trium eruditarum cognitione, in Historiae tum sacrae tum profanae notitia, in eloquentiae denique praestantia cum illo Stapletono conferendos. Montacutius Origin. Eccles. Stapletonus noster Owigensis, inter Theologos tam illustris, ut vel Bellarmino palmam praripere possit. Idem Exercit. Iracundus ille senex Stapletonus nostras. Pitseus, de illustr. Angl. Script. Valer. Andr. Biblioth. Belg.